كلمات أغنية "دور بنفسك" لاحمد مكى من فيلم طير انت

متحاولش تبقى أي حد تاني غير نفسك
دور بنفسك جوا نفسك هتلاقي نفسك
متحاولش تبقى حد تاني غير نفسك خليك واثق في نفسك
قوم دور بنفسك جوا نفسك هتلاقي حاجة محدش فيها ينافسك
متحاولش تبقى اي حد تاني غير نفسك
دور بنفسك جوا نفسك متكسلش وقوم قلب ودور هتلاقي ميزتك
ميزتك في صوتك او في رسمك
متستبعدش تبقى ميزتك حركة بتعملها جسمك او فكرة fantastic في مخك
ممكن تكون كمان مميز فى الطب والحساب او ميزتك نفسك فى طبخك
ممكن ميزاتك تطلع فى لوحة او كتاب ممكن تكون ميزتك لياقتك
ميزتك انك قلب ميت تقدر تضرب كل الناس او تكون ميزتك سياستك
ميزتك انك رومانسى ومأفور فى الاحساس او تكون ميزتك فراستك
ممكن ميزتك تكون قلب ابيض او حنون ممكن تكون ميزتك حماستك
فى ناس تعرف تفصل لبس الناس فى كل احساس مهما كانت خامة قماشتك
وناس بضربة فاس تحول تربة قلقاس (او اناناس) بفضل ربى مش بفضلك
ولو فى يوم لبس قضية فى ناس ميزتها هي (هي ايه ) ميزتها انها تجيب برأتك
بس ركز فى اللي جي
محدش عجبه حاله حالة غيره اللي بتحلاله
دايماً شرقي بيغرب وأيسر نفسه يبقى أيمن
التخين بيخسس والتاني رفيع نفسه يبقى اتخن
أسمر بيفتح أبيض نفسه يبقى بلاك
من خلفله بنت بيزعل نفسه يخلف واد
ايون ايون ايون
انسى إنك ترضى بحالك دايماُ عاجبك حال الغير
مهما تكون حالتك دايماُ باصص للتغير
صدقني لو بصيت جواك هتلاقي ياما كتير
قدرات مميزات ان كنت غني أو فقير
متقللش من نفسك ده انت لنفسك طاقة غير
هتحقق اللي في نفسك واللي يمسك كل كبير
ارضى ياابن ادم باللي اتقسم عليك
ولاوني عارفك مش هترضى غير بتراب في عنيك
ربك ميز كل واحد منا بحاجة
فالناس فعلاً لبعض دايما محتاجة
دور والقى ميزتك حاول حافظ عليها
طورها اتميز بيها حياتك هتلاقيها
فى الأول ماشية صح طول ما انت راضي بيها
ارضى بحياتك انت واقبلها باللي فيها
ده الرضى نعمة كبيرة احمد ربك عليها خدها منى كلمة مافي حاجة بتساويها
حد يترجملي بيقول ايه الواد ده
أنا اقولك بيقول متحاولش تبقى حد تاني غير نفسك
قوم دور بنفسك جوا نفسك هتلاقي حاجة محدش فيها ينافسك
لو ملكش عازة مكنتش اتخنقت ولا اتحسدت من الناس ولا اترزقت